Var ég fyrir vestan?

Hitti hóp af góðu fólki á laugardagskvöldið. Skemmti mér með ágætum og dansaði líka heilmikið.

Góður maður sem þarna var staddur þakkaði mér fyrir síðast. Sagði að leiðir okkar hefðu legið saman í innanlandsflugi á leið til Ísafjarðar fyrir páska.

Ég kannaðist ekki við það. Var ákveðin í því að vestur hefði ég ekki farið á þessu ári. Hvort þetta hefði ekki verið ein af mínum fjöldamörgu systrum.

Nei, það vildi hann ekki kannast við. Sagði að við hefðum spjallað heilmikið saman. Ekki nóg með það heldur hefði ég farið upp í bíl með Einari Guðfinnssyni þegar komið var til Ísafjarðar.

Þetta hefðu fleiri séð, m.a. bílstjórinn í áætlunarútunni til Bolungarvíkur. Hann hefði líka þekkt mig.

Ég gat engu svarað. Ætli fleiri hafi séð mig þarna fyrir vestan ? 

Athugasemdir

[Sigrún Jónsdóttir, 14.4.2008 kl. 12:29]

[Heimir Lárusson Fjeldsted, 14.4.2008 kl. 14:07]

Greinilega þekkt kona.

Langt út fyrir þekktar og viðurkenndar slóðir hverju sinni.

[SvanfríðurG.Gísladóttir (IP-tala skráð) 14.4.2008 kl. 17:48]

Já við lendum í ýmsu Anna mín! Þakkaðu fyrir að hann sagði þér ekki að þið hefðuð verið gift!