Hanna Birna hæf til samstarfs ?

Skrítin umræða í Silfrinu í dag.  Að stjórnarkreppa ríki ef Vilhjálmur fer og núverandi meirihluti í borginni sé í hættu.

Sé ekki annað en þá taki Hanna Birna Kristjánsdóttir við sem oddviti flokksins í borginni. Hún er næsti maður flokksins á lista til borgarstjórnar á eftir Vilhjálmi. Hún er kunn fyrir að geta unnið bæði með meiri og minnihluta. Samstarfið heldur síðan áfram og hún tekur við sem borgarstjóri þegar Ólafur F. víkur af stóli.

Svo gæti ýmislegt breyst ef nýr forystumaður Sjálfstæðisflokks tekur við.

Fannst t.d. ekki á umræðunni í Silfrinu að eitthvað sé öruggt með yfirlýsta samstöðu vinstri flokkanna í borginni.

Heyrði ekki betur en menn töluðu um óstarfhæfan Sjálfstæðisflokk eins og nú er. Hvað með stöðu mála ef Hanna Birna tekur við og flokkurinn nær að styrkja stöðu sína á ný.

Er þá hægt að mynda starfhæfan meirihluta með Sjálfstæðisflokknum? 

Pólitísk staða Vilhjálms rædd

Athugasemdir

[Gísli Baldvinsson (IP-tala skráð) 10.2.2008 kl. 16:36]

Einmitt. Það er sjálfstæðisflokkurinn sem er ósamstarfshæfur ekki einn maður. Ef Vilhjálmur fer þá er Ólafur eins og maður í áralausum bát. Auk þess mun upphefjast mikil valdabarátta innan sjálfstæðisflokksins. Aðrir (ónefndir) flokkar hafa komist í svona óstafshæfisástand.  

[Anna Kristinsdóttir, 10.2.2008 kl. 17:14]

Ekki sammála ykkur,  

Forystumenn flokka hafa mikið um að segja hvort flokkur sé stjórntækur. Ef nýr forystumaður nær að sigla flokknum hér í Reykjavík í var, getur allt gerst.

Vika er langur tími í stjórnmálum.

[Magnús Paul Korntop, 10.2.2008 kl. 19:42]

Mitt mat í þessu máli er mjög einfalt og það er eftirfarandi:

Vilhjálmur Þ Vilhjálmson á að segja af sér sem oddviti sjálfstæðisflokksins,klúður hans í REI málinu er slík að honum er ekki treystandi í borginni.

Ef valdabarátta verður í sjálfstæðisflokknum í borginni þá er ljóst að ekki er eining innann hans um með hverjum skal starfa en samt er það þannig að forystumaðurinn hverju sinni leggur línurnar en hann er ekki óstarfhæfur en ég held að sjálfstæðisflokkurinn verði starfhæfur á ný eftir að Vilhjálmur er hættur svo einfalt er það.

[Ragnhildur Kolka, 10.2.2008 kl. 22:30]

Hefði Samfylkingin ekki bara átt að láta Vilhjálm halda áfram að blotta sig. Hefði hún ekki bara grætt á því?

Dagur B. á ekkert í kraftakonu eins og Hönnu Birnu. Frammistaða hennar á frægum borgarstjórnarfundi var slík að menn munu lengi muna. Ég styð Hönnu Birnu til forystu í borgarstjórn. Ólafur F. fær þá þann stuðning sem hann þarf og Dagur og Svandís geta nagað sig í handabökin fyrir að hafa farið offari gegn Villa.

[Ragnhildur Kolka, 10.2.2008 kl. 23:40]

Vinur, ekki veit ég hvaða íþrótta þú vísar til, en Kastljós, Silfur Egils og allir Rásar 1 útsendingarnar teljast ekki til hliðarlínunnar.

Þú ættir kannski bara að borga RÚV reikninginn þinn.

[Halla Rut , 11.2.2008 kl. 00:18]

Ég skildi þetta nákvæmlega eins og þú Anna. Það var auðveldlega hægt að lesa á milli línanna í þessu.

[Theódór Norðkvist, 11.2.2008 kl. 10:16]

Ef nýr forystumaður nær að sigla flokknum hér í Reykjavík í var, getur allt gerst.

Fengi sú skúta nokkurs staðar haffærnisskírteini, svo gripið sé til orðalags þekkts manns?

[Sigurður Viktor Úlfarsson, 11.2.2008 kl. 10:22]

Sammála Önnu.  Þetta er hinn eðlilegi framgangur málsins.

Ef þarf að bæta við meirihlutann þá hefur t.d. Óskar Bergsson aldrei sagt það sem Svandís og Dagur sögðu í Silfrinu.  Auk þess gætu þau einfaldlega sagt að skv. sveitarstjórnarlögum verði þau að mynda meirihluta.

[Magnús Paul Korntop, 11.2.2008 kl. 12:06]

BURT MEÐ SJÁLFSTÆÐISMENN ÚR BORGINNI OG ÚR RÍKISSTJÓRNINNI LÍKA,ÞAÐ ÞARF AÐ GEFA ÞESSUM FLOKKI LANGT OG GOTT FRÍ FRÁ VÖLDUM.