Vinsælustu sálmarnir við útfarir

Við hæfi á páskadag að benda á áhugaverðan þátt sem ég hlustaði á með andakt á föstudaginn langa.

Við þekkjum öll þætti eins og lög unga fólksins, óskalög sjúklinga og vinsælu sjómannalögin en þessi þáttur var með öðru sniði.

Þátturinn bar það virðulega heiti " Ekki með sínu lagi-vinsælustu útfararsálmarnir" og var yfirlit yfir  vinsælustu sálmana sem sungnir eru við útfarir. Þættinum stýrðu Ásgeir Sigurgestsson, Hallgrímur  Magnússon og Trausti Jónsson.

Fróðlegt að vita að sögu sálmana og ekki síður að einhverir þeirra sálma sem við heyrum við útfarir hér á landi voru upprunalega drykkjuvísur samdar á meginlandinu.

Njótið þessa ágætu dagskrár hér  http://dagskra.ruv.is/streaming/ras1/?file=4401522

Gleðilega páska

Athugasemdir

[Pétur Björgvin, 23.3.2008 kl. 11:34]

Sammála, þetta var fróðlegur þáttur.

[Júlíana , 24.3.2008 kl. 02:29]

Ég rakst á bloggið þitt og ákvað að hlusta á þáttinn, í raun einungis til að athuga hvort þeir ræddu ekki um Í bljúgri bæn. Ég hef aldrei getað tekið það lag alvarlega sem sálm eða kristið lag því ég hef sungið þetta lag síðan ég var smákríli og þá með textanum sem rætt var um í þættinum, texta sem fjallar um morð. Það er það sem ég hugsa þegar ég heyri lagið og ég get bara ekki losnað undan því að það söngli "réttur" texti í huga mér.

[Anna Kristinsdóttir, 24.3.2008 kl. 16:35]

Sæl Júlíana,

Þetta var einmitt eitt af því áhugaverða við þennan þátt. Setti sálmana í allt annað samhengi.

[Aðalsteinn (IP-tala skráð) 25.3.2008 kl. 09:41]

Sá eða heyrði einhvers staðar að markmið hjá Lúther hafi einmitt verið að láta ekki fjandanum eftir vinsælustu lögin. Þess vegna orti hann sálma við mörg þeirra.