Mótmæli í Bolungarvík?

Ætli megi búast við að íbúarnir mótmæli á pöllunum líkt og gerðist við meirihlutaskiptin í borginni? Varla við því að búast, en hver veit hvað getur gerst á þessum síðustu og breyttu tímum.

Í Bolungarvík búa 904 íbúar, samkvæmt tölum frá 1.12.2007 og án efa hafa menn skiptar skoðanir á þessu brölti í bæjarstjórninni. Það verður án efa stór biti fyrir bæjarfélagið að kyngja að þurfa að greiða tveim bæjarstjórum laun í næstu sex mánuði.

Í víkinni bjó hún amma mín og átti þar tíu börn. Hún var alla tíð krati en ég held að hún hafi fyrst og fremst verið verkakona fædd í byrjun síðustu aldar sem ekkert fékk baráttulaust.

Í Bolungarvík býr enn harðduglegt fólk sem þarf öfluga talsmenn í baráttu sinni fyrir frekari atvinnuuppbyggingu og betri lífskjörum. 

Hver sem bæjarstjórinn verður, þarf hann að leggja allt sitt í það verkefni.

 

Ný bæjarstjórn tekur við í Bolungarvík í dag

Athugasemdir

[Hallur Magnússon, 30.4.2008 kl. 13:38]

Doktor Lýður - skólabróðir minn úr Réttó lýsir ástandinu frábærlega í pistli.

TARZAN Í BOLUNGA(R)VÍK

[Sigurgeir Jónsson, 30.4.2008 kl. 18:21]

Það versta fyrir Bolvíkinga, rétt eins og annað fólk á landsbyggðinni er, að þeim verði fjarstýrt frá R.vík af einhverju umhverfisöfgaliði.Þeir eiga að fá að stjórna sér sjálfir.