Anna Kristinsdóttir

6.2.2008 | 14:25

Ungt fólk kýs

Baráttan farin að harðna fyrir forsetakosningarnar í Bandaríkjunum og spennan var mikil í nótt.

Fylgdist með umfjöllun á sjónvarpsstöðvunum og hafði af því bæði gagn og gaman. Eftirtektavert og jákvætt ef ungt fólk kýs nú í meira mæli en áður.

Dræm kosningaþátttaka hefur verið meðal yngsta aldurshópsins 18-24 ára þar í landi. Líkt og hefur verið þróun síðustu ára í flestum lýðræðisríkjum. Kosningaþátttaka þessa aldurshóps hefur í Bandaríkjunum, verið á hraðri niðurleið, allt frá þeim tíma sem hann fékk fyrst kosningarétt.

Þegar þessi aldurhópur kaus fyrst nýtti helmingur kjósenda rétt sinn til að kjósa. Í síðustu kosningum var hinsvegar aðeins 25% þessa unga fólks sem nýtti sér kosningarétt sinn.

Í kosningunum árið 2000 kusu 68% þeirra sem voru 65 ára og eldri, meðan 68% þeirra sem voru 25 ára og yngri tóku ekki tóku þátt.

Þetta gerðist jafnvel þótt sérstakt átak hafi verið gert bæði innan fylkja og í landinu öllu til þess að hvetja ungt fólk til þátttöku. Kannski er sú vinna að skila sér og það að baráttan er hörð á milli Clinton og Obama.

Vonandi heldur þessi aukna þátttakan ungs fólks í kosningum áfram. Við þurfum á henni að halda.

	Ungt fólk velur demókrata
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Ég man að það var heilmikil umræða um þetta fyrir síðustu forsetakosningar þar sem Kerry var talinn eiga sigur vísann samkvæmt könnunum alveg fram á kjördag. Það var ekki síst því að þakka að hann átti að njóta yfirgnæfandi stuðnings yngri kjósenda. Á endanum mættu hins vegar einungis lítil hluti yngri kjósenda til að kjósa á meðan Bush gerði allt sem í sínu valdi stóð að smala á kjörstað sínum stuðningsmönnum. Það væri ánægjulegt ef yngra fólk tæki þessar kosningar svo alvarlega að það mætti á kjördag. Kannski stríðið og ferskir vindar frá Obama séu að vekja ungt fólks til lífsins.

Ingólfur Ágústsson, 6.2.2008 kl. 14:51