Sundlaugar í öll hverfi borgarinnar

Frábært framtak hjá öflugum íbúum Bústaðahverfis. Fór á kynningarfund vegna framkominna hugmynd í s.l. mánuði. Það er langt síðan ég hef sótt svo fjölmennan fund íbúa hverfisins og ljóst að mikill áhugi er á að fá sundlaug í Fossvogsdalinn. Hugmyndir um græna laug er líka áhugaverð þó útfærslan liggi ekki alveg fyrir.

Fór í að safna undirskriftum í nágrenni við heimili mitt. Hitti engan íbúa þar sem ekki vildi styðja þetta góða verkefni.

Sundlaugar eru sjö í borginni og eru þær ótrúlega vel sóttar. Um 1.800.000 gestir sóttu þær á s.l. ári  og þær eru staðsettar flestum hverfum borgarinnar. Þær eru staðsettar í vesturbæ, miðbæ, laugardal, breiðholti, árbæ, grafarvogi og kjalarnesi.

Ný laug í Fossvogsdal, sem jafnframt myndi nýtast  íbúum báðum megin dalsins, yrði góð viðbót.

Vilja sundlaug í Fossvogsdal

Athugasemdir

[Jón (IP-tala skráð) 13.12.2007 kl. 12:56]

Sammála, en mundi vilja hafa hana á Borgarspítala lóðinni við Markarveginn eða þá þar sem er verið að byggja, m.a. húsnæði fyrir aldraða - væri ekki upplagt að hafa sundlaugina einhvers staðar þar nærri (Sléttuvegs-byggingunum, núverandi og tilvonandi) og spítalanum; yrði góð heilsurækt fyrir sjúklinga á spítalanum ásamt MS-sjúklingum, öldruðum og öllum þeim sem sækja sína þjónustu þangað.

Ég mundi í það minnsta vilja sjá sundlaugina reista þar heldur en í Víkinni eða við Kjarrhólmann