Stærri en VG í Suðurkjördæmi

Í Suðurkjördæmi er Framsóknarflokkurinn að mælast stærri en VG. Verð að viðurkenna að það gefur mér ástæðu til bjartsýni.

Fylgi Sjálfstæðismanna í kjördæminu er með ólíkindum. Sérstaklega vegna þess einstaklings sem skipar annað sætið fyrir flokkinn. Einstaklingur sem fær tækifæri og misnotar skattfé í eigin þágu ætti ekki að fá annað tækifæri til að taka sæti á þingi.  

Að mínu mati verðum við framsóknarmenn að tryggja Bjarna Harðarson á þing. Hann er ein helsta vonastjarna framsóknarmanna sem standa vinstra megin í pólitík. Hann talar fyrir málum sem án efa aðgreina okkur frá sjálfstæðisflokki.

Svo er hann líka svo fjári skemmtilegur.

Nú verður að koma stráknum inn á þing.

Sjálfstæðisflokkur bætir við sig tveimur þingmönnum í Suðurkjördæmi

Athugasemdir

[Guðmundur Auðunsson, 2.5.2007 kl. 13:36]

Litlu verður Vöggur feginn. Pældu í því sem þú ert að segja. Ef einhver hefði sagt fyrir 4 árum að framsóknarmenn myndu hrópa húrra fyrir því að flokkurinn mældist með meira fylgi en VG í einu kjördæmi þá myndu menn hafa kallað viðkomandi "delerious".

Annars kæmi mér ekkert á óvart að exbé fái meira fylgi en VG í suðurkjördæmi. Verður líklega eina kjördæmið sem það gerist.