Eru stjórnmál leiðinleg?

Hitti íþróttafrömuðina mín í gær. Fer stundum á þeirra fund til að fá heitustu fréttirnar af íþróttamafíunni.

Þeim finnst gott að ég sé ekki lengur í framsóknarflokknum. Vilja samt tala við mig um stjórnmál og spyrja mig síðan í hvaða flokk ég ætli að ganga. Ég bið um tilfinningalegt svigrúm. Þarf að hugsa mig um vel og lengi áður en ég svara þessu.

Sá í 24 stundum í dag að Valgerður Bjarnadóttir telur að hún rekist illa í flokki. Hún er prinsippmanneskja og þorir að berjast. Stundum á móti sínu eigin flokksmönnum. Mér líkar við það vel að fólk gefi ekki af sínum hugsjónum. Hvað sem er í boði. 

Ég er stundum þannig, get ekki selt sannfæringu mína, hvað sem í boði er. Held að slíkt fólk finnist í öllum flokkum. Allt of fáir slíkir einstaklingar, sem starfa í stjórnmálum.

Vinir mínir í íþróttamafíunni segja að ég bloggi allt of mikið um stjórnmál. Þau séu leiðinleg til lengdar. Hvort ég verði ekki stundum leið á þessu.

Í mínum huga snýr allt lífið að pólitík. Allar ákvarðanir eru mótaðar af því. Lífið er pólitík en samt er lífið svo skemmtilegt.

Hvernig getur þá pólitíkin verið leiðinleg?

Athugasemdir

[Sigrún Jónsdóttir, 15.3.2008 kl. 21:34]

Pólitík er skemmtileg Anna, alveg eins og þú segir! 

Það er bara til fólk, sem skemmir pólitíkina, bæði málefnin og heilu stjórnmálaflokkana. Prinsipfólk hefur í auknum mæli vikið fyrir framapoturum og það er slæmt. Þið Valgerður Bjarnadóttir eruð flottar, hvar í flokki sem þið væruð.

[Bumba, 16.3.2008 kl. 01:38]

Já hundleiðinleg í augnablikinu. Með beztu kveðju.