Össur og hinir bloggararnir

Í DV í vikunni var því haldið fram að nokkrir bloggarar á Eyjunni héldu uppi vörnum fyrir Sjálfstæðisflokkinn. Þessir sömu einstaklingar færu fremstir í flokki til að þræta fyrir það að ágreiningur væri innan þess flokks.

Þetta er ekki óþekkt einkenni á ákveðnum hóp bloggara. Ég tilheyrði einum slíkum hóp um langt skeið. Þessir hópar lifa góðu lífi í bloggheimum þ.m.t.  á moggablogginu og á vísi.  

Þegar þú tilheyrir slíkum hóp er það dagskipunin að verja sína menn. Alveg sama á hverju gengur. Jafnvel þótt þú hafir ekki einu sinni sannfæringu fyrir því sem þú ert að verja.

Þannig tilheyrir þó hópnum. Færð klapp á kollinn ef þú stendur þig vel í bardaganum og er hunsaður þegar þú ekki ert tilbúin að verja þína menn.

Slík pólitísk skrif er nokkuð fyrirsjáanleg.

Össur er annarskonar bloggari. Hann ver jú oftast sína menn í Samfylkingunni en við það lætur hann ekki staðar numið. Hann á sér sína sérstöku vini í öðrum flokkum sem hann ekki hikar við að hampa. Jafnvel verja fyrir árásum ef þannig stendur á honum.

Hann hefur  fyrir löngu stillt upp sínum mönnum á pólitíska skákborðinu og reynir að lyfta þeim upp við hvert tækifæri. Þetta eru einstaklingar sem Össur dáist að og telur að hann geti starfað með í stjórnumálunum seinna meir.

En hann tekur líka menn af lífi ef hann er þannig stemmdur og þá er sama hvar í flokki menn standa, nema helst í hans eigin flokki.

Skrif Össurar eru miklu meira spennandi en þeirra sem alltaf verja sína menn. Þú veist alltaf hver línan er í pólitíska flokksblogginu en þú veist aldrei hver verður næstur hjá Össuri.

Athugasemdir

[TómasHa, 21.2.2008 kl. 15:46]

En þeir sem hafa bara hugsjónir með því starfi sem er í gangi? Gagnrýna það sem þarf að gangrýna og verja það sem þarf að verja.  Á mínu bloggi hefur bæði komið fram gangrýni á flokkinn og einstaka menn, hins vegar þarf líka að gæta sannmælis.

Ég hef ekki orðið var við að fá mikið klapp á kollinn, en skammir hef ég fengið í gegnum tíðina fyrir að vera of harður.

Ég held að þessi grein hafi samt dæmt sig sjálf á DV, enda enn ein vitleysan hjá þeim.   

[Brjánn Guðjónsson, 21.2.2008 kl. 18:03]

já-menn eru leiðindafólk