Undirliggjandi ágreiningur í Sjálfstæðisflokki?

Las þessa óborgarnlegu færslu á bloggi Friðjóns á eyjunni.

"Hvað segir maður um þingmann sem er fyrsti flutningsmaður 16 frumvarpa á síðasta kjörtímabili og þar af 4 sinnum um sama málefni? Á hverju þingi lagði hann fram frumvarp um þetta hugðarefni sitt, það er fjórðung allra frumvarpa sem þingmaðurinn hefur lagt fram í eigin nafni. Er ekki hægt að segja óhikað, að málið sé viðkomandi þingmanni hjartans mál? En hvað á maður svo að halda, ef sami þingmaður verður ráðherra og lætur það verða eitt sitt fyrsta verk að gefa það út að hann ætli ekki að beita sér fyrir viðkomandi máli?

Er rökrétt að draga þá ályktun stjórnmálamaðurinn hugsjónalaus eiginhagsmunapotari sem er bara í pólitík fyrir eigið egó? "

Ætli megi lesa úr þessum skrifum undirliggjandi ágreining í Sjálfstæðisflokknum. Skyldu þessi skrif Friðjóns vera bergmál af hugsanagangi fyrrverandi yfirmanns hans í Dóms og Kirkjumálaráðuneytinu? Kannski fer nú undirliggjandi ágreiningur í flokknum að koma oftar upp á yfirborðið.

 

 

 

Athugasemdir

[Hjörtur J. Guðmundsson, 15.8.2007 kl. 14:11]

Já alveg merkilegt að það skuli vera skiptar skoðanir um ýmis mál í langstærsta og fjölmennasta stjórnmálaflokki landsins eins og t.a.m. í næst minnsta stjórnmálaflokki landsins (sem á fulltrúa á þingi) ;)