Klappað og stappað í kirkju, á föstudaginn langa

Föstudagurinn langi hefur aldrei haft neina sérstaka þýðingu fyrir mig. Ég veit líkt og aðrir merkingu þessa dags, en hef ekki valið að nota hann sérstaklega til að hugleiða trúna og merkingu hennar. Slíkt get ég gert alla daga ársins.

Dagurinn var því notaður til verkefnavinnu og annarra hversdaglegrar iðju. Síðan var farið í ræktin í lok dags.

Annað og óvenjulegra gerði ég þó. Ég fór á "skemmtun" í Fríkirkjuna í kvöld. Má líklega ekki segja að þetta hafi verið "skemmtun", því slíka iðju megi víst ekki iðka á þessum degi.

En "skemmtun" var það og ekki af lakara taginu. Síðustu tónleikar Blúshátíðar Reykjavíkur þetta árið með fjölda frábærra listamanna.

Allt voru þetta góðir listamenn sem komu fram í kvöld en toppurinn var þegar hin bandaríska Deitra Farr fékk gesti í kirkjunni til að klappa og stappa undir með söng sínum í frábærum gospel söngvum. Kirkjan bókstaflega nötraði og stemmingin var ólýsanleg.

Frábær skemmtun og án efa í fyrst skipti sem ég bæði klappa og stappa í kirkju á föstudaginn langa, en vonandi ekki það síðasta.

Athugasemdir

[Magnús Paul Korntop, 21.3.2008 kl. 23:04]

Gleðilega páska vinan.

[Sigrún Jónsdóttir, 21.3.2008 kl. 23:04]

Anna............föstudagurinn langi!

En ok, ég var í vinnunni.  Aldrei frí í umönnun!!

Blús er náttúrulega blús, tregablandið, þannig að stemmingin hefur verið í rétta átt.

[Brjánn Guðjónsson, 22.3.2008 kl. 18:45]

gott að þú áttir ánægjulegan langa föstudag. í mínum huga krystallast leiðindi og ésútal í þessum degi. alltaf feginn þegar hann er yfirstaðinn.