Leita í fréttum mbl.is

Á boxing day

Í dag er annar í jólum eða boxing day eins og hann heitir hér á slóðum.

Lögðum snemma af stað frá Christchurts og erum komin á stað við ströndina sem heitir Kaikoura. Vorum sérstaklega spurð úti það hvort við vildum ekki fá hvalaskoðun þegar við pöntuðum gistingu. Höfðum ekki sérstakan áhuga. Okkar hvalaskoðun hefur oftast verið á dauðum hvölum við verkun þeirra í hvalfirðinum á árum áður.

Viðkvæmt að ræða hér um hvalveiði og flesti sem við höfum rætt við telja það okkur Íslendingum ekki til tekna að hafa veitt hvali. Það eitt að hafa borða hvalkjöt er afar slæmt. Hér vilja menn gjarnan að allt verði með sama hætti og var fyrir 100 -200 árum í tengslum við nýtingu sjávarafangs. Menn eigi ekki að veiða nema sér til matar. Að mínu mati frekar útopísk hugmyndafræði sem mun ekki nást. Maður fer því varlega í allar slík umræðu hér þar sem félagar í Green peace eru fjölmargir og málefnið heitt.

Fórum í ferðalag í þrjá daga fyrir jólahátíðina til Hamner sem er 600 manna bær sem liggur inni í landi. Þar eru heitir hverir sem hafa verið nýtir til heilsubaða í yfir 100 ár. Fyrir nokkrum árum keyptu japanskir fjárfestir þessar heilsulindir og nú eru reknar þarna laugar með 12 ólíkum böðum. Gufuböð og einkapottar og rennibrautir eru líka í boði en fyrir það er greitt sérstaklega. Allt er þetta undir beru lofti og ekki ólíkt því að koma í íslenskrar laugar. Hitastigið í laugunum er frá 18-42 gráðum. Mikill fjöldi ferðamanna heimsækir þennan stað ár hvert allan ársins hring.

Leigðum okkur hús og vorum þarna í tvær nætur í góðu yfirlæti. Náðum meira að segja að fara á jólatónleika í lauginni á þann 21.desember sem náðu nokkru hámarki fyrir okkur í jólastemmingunni.

Þorláksmessa með pizzu veislu og smá smakki af skötu var öðruvísi. Jóladagurinn fór í verslunarferð og síðan hófst jólamáltíðin kl. 6.00 eins og hefðbundið er. Hitinn var hinsvegar mikill og næstum ólíft var innandyra. Möndlugrauturinn ekki að okkar skapi, allt með öðrum blæ. Hænurnar á heimilinu fengu mest af grautnum. Farið snemma í háttinn eftir langan dag.

Jóladagur er líka með öðrum hætti. Byrjað með fersku ávaxtasalati og kampavíni kl. 9.00 um morguninn og síðan var boðið upp á 12 mismunandi rétti fram eftir degi. Máltíðinni lauk síðan um 20.00 og mitt fólk var farið í rúmið um 21.00 Mikið fjör söngur og gleði. Þó er víst að þetta eru óvenjulegustu jól sem ég hef haldið og þau sem hafa minnsta stemminguna haft. Stemmningin var einfaldlega eftir einhverstaðar á milli Amsterdam og Singapore. Finn hana örugglega næstu jól.

Nú eru við lögð af stað í ferðalag upp að nyrsta hluta suðureyjunnar. Óvíst hvar við endum. Verðum hér í Kaikoura eina nótt síðan í Blenham og síðan bera ævintýrin okkur lengra.

Meira síðar.

 

 


« Síðasta færsla | Næsta færsla »

Athugasemdir

1 Smámynd: Björk Vilhelmsdóttir

Gleðileg jól elsku vinkona. Gott að heyra af ykkur þó svo jólastemningin sé ekki hjá ykkur andfætlingum okkar. En hún er hérna megin á hnettingum þar sem snjór er yfir öllu. Tréin svigna undan þunganum og ég reyni að finna stundir til að lesa Bíbí við kertaljós. Allt er þetta yndislegt.

Bið þig um að kyssa og knúsa Vilmund, Gunnar og mömmu þína frá mér. Þannig færðu 3 kossa og faðmlög frá mér.

Björk Vilhelmsdóttir, 27.12.2007 kl. 17:17

2 identicon

Mundu Anna, Jola stemningin er I hjarta folks,

en ekki I veraldlegum hlutum.

Vonum ad thid seud ad njota frisins ykkar

hvar sem thid erud of hvert sem thid farid..

Hjortur, Emma, Hera, Bjossi og Hjortur- I nyjasjalandi (IP-tala skráð) 30.12.2007 kl. 12:14

3 Smámynd: Anna Kristinsdóttir

Takk elsku Björk,

Gott að vita af góðum vinum hinum megin

Anna Kristinsdóttir, 31.12.2007 kl. 05:03

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Anna Kristinsdóttir
Anna Kristinsdóttir
Stjórnmálafræðingur, MPA nemi og áhugamaður um samfélagsmál

Mitt val

Blogg Gáttin

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband